عامر لیاقت نے اپنی تیسری شادی کی تردید کر دی

کراچی: پی ٹی آئی کے کراچی سے منتخب ہونے والی رکن قومی اسمبلی عامر لیاقت نے سوشل میڈیا پر اپنی تیسری شادی کے حوالے سے زیرگردش خبروں کی تردید کر دی۔

پاکستانی سوشل میڈیا پر عامر یاقت کی تیسری شادی کی خبریں گردش کر رہی ہیں۔ ہانیہ خان نامی خاتون جو خود کو اداکارہ اور ماڈل بتاتی ہیں نے دعوی کیا ہے کہ وہ عامر لیاقت کی تیسری بیوی ہیں۔

اس خاتون نے عامر لیاقت کے ساتھ چند تصاویر، واٹس ایپ چیٹ کے سکرین شاٹس اس ان دونوں کے درمیان ہونے والی گفتگو کی ریکارڈنگز بھی سوشل میڈیا پر شیئر کی ہیں۔ ہانیہ نے عامر لیاقت کی دوسری اہلیہ سیدہ طوبی پر الزام لگاہا ہے کہ طوبی نے ان پر کالا جادو کروایا ہے۔

عامر لیاقت نے تیسری شادی کی وضاحت کرتے ہوئے انسٹاگرام پر ایک ویڈیو پیغام جاری کیا ہے۔ جس میں انہوں نے ہانیہ خان سے شادی کرنے کی تردید کرتے ہوئے لوگوں سے مخاطب ہو کر کہا ویسے بھی آپ میری ماشااللہ تین، چار، پانچ شادیاں کراچکے ہیں ، لیکن میری ایک ہی شادی ہے جو طوبی سے ہے۔

واضح رہے کہ طوبی عامر سے قبل عامر لیاقت نے بشری سے شادی کی تھی جس سے ان کے دوبچے ہیں۔ اور سیدہ طوبی سے عامر لیاقت نے خفیہ طور پر شادی کی تھی لیکن الیکشن کے دوران وہ اپنی دوسری شادی منظرعام پر لے آئے تھے۔